開版有話說,有話說開版

2008年香港立法會選舉仲有唔夠三個星期就結束了!
本來我都係三餐足就唔理其他事的人, 對政治亦不甚了了

但近日見到自己個界別(哈,我有兩票架,一票直選,一票係資訊科技界)的候選人莫乃光同埋譚偉豪竟然同日出現係我辦公室附近派單張, 心諗連功能組別都要搞到好似直選咁通街派單張都幾慘喎, 一定係因為競爭激烈先令到佢地兩位尊貴0既候選人要四圍走拿票啦!

上網摷多D料睇下因咩事搞到咁激......

唔係尤是可, 一睇真係嘔血!

感謝網絡提供0既便利,我上youtube一打佢地個名就摷到佢地係I-CABLE辯論0既片段
.
.
.
唉...原來我地0既候選人不外如是,
尤其係標榜敢言、承擔、前瞻0既莫乃光迴避質詢D說辭更令我愈睇愈糊塗!!!!

本來諗住提出來同大家探討下,但係去香港討論區度睇下D討論, 我就當堂打消左呢個念頭,
事關參與討論0既網友三句唔埋兩句就扣帽子, 我諗如果我同舊ID出POST, 唔使幾個就要換個新ID呢!

所以我開左呢個新BLOGGER, 叫做自己地頭方便講0野, 又唔使擔心俾人秋後算帳(我最擔心呢點, 好人好姐俾人無理取鬧, 真係沒咩必要)

我自己會堅持擺事實講道理的態度, 亦都歡迎各方友好過來一齊討論下!

(嘩!原來就三點啦, 抖陣先再睇下有沒精神返來寫 觀戰0既感想及疑問!)